دوري الأبطال بيولع أرسنال ضد باريس وبرشلونه هيقابل إنتر
بتنطلق الليله مباريات دور نص النهائي من بطولة دوري أبطال أوروبا لموسم 2024-2025، واللي الجماهير كلها مستنياها من زمان، وبتوعد بسهرايات كرويه جامده.
اول ماتش النهارده التلات، أرسنال الإنجليزي هيستضيف باريس سان جيرمان الفرنسي الساعه 10 بليل، على ملعب الإمارات، والمباراه دي من العيار التقيل، والكل بيراهن على نتيجتها.
اما بكرا الأربعاء، فبرشلونة الإسباني هيقابل إنتر ميلان الإيطالي، والماتش ده هو كمان مش سهل، وكل فريق فيهم بيحلم يوصل للنهائي الكبير.
ماتشات العوده (الإياب) هتتلعب يوم 6 و7 مايو، ووقتها هنكون عرفنا مين اللي هيوصل للنهائي اللي العالم كله مستنيه.
من ناحية تانيه، بيتصدر الغيني سيرهو جيراسي قائمة الهدافين بـ13 هدف، بس خرج من البطوله هو وفريقه دورتموند، وده بيخلي فرصه رافينيا (12 هدف) وليفاندوفسكي (11 هدف) لاعيبة برشلونه كبيره جدًا يخطفوا لقب الهداف.
