كولر يودع الأهلي بكلمات مؤثرة بعد مشوار طويل مليان بطولات
في وداع مؤثر، وجّه المدرب السويسري مارسيل كولر، المدير الفني السابق للنادي الأهلي، رسالة مليانة شكر وامتنان لكل الناس اللي وقفوا جنبه طول رحلته مع الفريق الأحمر، بعد ما قرر النادي إنه ينهي التعاقد معاه عقب الخروج من نصف نهائي دوري أبطال أفريقيا على يد صنداونز.
كولر نشر رسالة وداع عبر حسابه الرسمي وقال فيها كل حاجه ليها بدايه ونهايه، والرحله الجميله مع الأهلي وصلت لنهايتها، لكن الذكريات هتفضل دايمًا جوايا
المدرب السويسري شكر اللعيبه فرد فرد، وقال إنهم السبب ورا كل إنجاز اتحقق، وكمان وجّه تحيه كبيره للجهاز الفني والإداري وكل العاملين في النادي، على دعمهم وشغلهم المميز.
وما نسيش كمان شكر خاص للكابتن محمود الخطيب، رئيس النادي، وأعضاء مجلس الإدارة، على ثقتهم فيه من أول يوم، وقال إن التعاون معاهم كان من أسباب النجاح الكبير.
الأهلي كرّم كولر والجهاز الفني في احتفاليه بسيطه، وقدمله الخطيب درع وعلم النادي، تقديرًا لإنجازاته مع الفريق، اللي حقق معاهم 11 بطوله.
كولر ختم رسالته وقال هفضل أتابع الأهلي دايمًا، وأتمنى له التوفيق في كل خطوه جايه شكرًا على كل حاجه
