برشلونه عينه على غريمالدو وديكو شايفه الحل المثالي للجهه اليسار
حسب ما نقلته شبكة سكاي سبورت ألمانيا، نادي برشلونه مهتم من بدري بالتعاقد مع الظهير الإسباني أليخاندرو غريمالدو، اللي حالياً لاعب مع باير ليفركوزن وبيقدم مستويات خرافيه هذا الموسم.
الصفقه لو تمت، ممكن تكلف البارسا مبلغ يتراوح بين 30 لـ 40 مليون يورو، وديكو، المدير الرياضي لبرشلونه، شايف إن غريمالدو هو القطعه الناقصه اللي ممكن تقوي الجهه اليسرى للفريق وتسد أي ثغره فيها.
اللي يخلي الصفقه أكثر حماسيه إن غريمالدو أصلاً واحد من أبناء أكاديمية لا ماسيا، فلو رجع، حيكون كأن النادي بيستعيد أحد أولاده بعد ما أثبت نفسه في أوروبا.
برشلونه ناوي يتابع الوضع بدقه في الفتره الجايه، وخصوصًا إن فيه أنديه تانيه كبار في أوروبا مهتمين باللاعب، لكن رغبة البلوغرانا واضحه، يبغوا يقفلوا الموضوع بسرعه ويدعموا تشكيلتهم قبل بداية الموسم الجاي.
الجماهير متحمسه تشوف هل بيرجع غريمالدو فعلاً لكامب نو، ولا الصفقة حتفلت من البارسا كالعادة؟
