الخطيب يودع كولر برسائل خاصه وهدايا في مقر الأهلي بالجزيره
في اجتماع ماخدش أكتر من 10 دقايق، اجتمع محمود الخطيب رئيس النادي الأهلي مع مارسيل كولر المدير الفني اللي رحل رسميًا عن تدريب الفريق الأول، ودا بسبب خروج الأهلي من دوري أبطال أفريقيا على إيد صن داونز.
اللقاء كان في مقر النادي الرئيسي في الجزيرة، وحضر كولر ومعاه مساعدينه وكمان أحمد حنفي المترجم الخطيب وجه خلال اللقاء شوية رسائل خاصة لكولر، كلها كانت مليانه شكر وتقدير على اللي قدمه للفريق خلال الفترة اللي قضاها مع الأحمر.
وفي نهاية الجلسه، قام الخطيب بإهداء كولر وجهازه المعاون هدايا تذكاريه، في لفتة طيبة من الإدارة عشان تعبهم ومجهودهم كمان حصل تبادل للعناق بين الطرفين، وكان في جو من الاحترام والامتنان.
الجدير بالذكر إن كولر حقق مع الأهلي بطولات كتير وكان ليه بصمه واضحه في تطوير أداء الفريق، لكن النتائج الأخيرة خلّت الإدارة تاخد قرار بإنهاء التعاقد دلوقتي، كل الأنظار متجهه للمدرب الجديد اللي هيمسك الملف الفني للنادي.
