شرط كولر سيحا وزيزو وأزمات جديده
يوم الاتنين اللي فات كان مليان أخبار كرويه سخنه، على رأسها أزمة عقد كولر مع الأهلي، بعد خروجه من دوري الأبطال، واللي بيحاول مسؤولي الأهلي يحلوها بخصوص الشرط الجزائي، وده بعد شكرهم ليه رسميًا.
من ناحيه تانيه، محمد عبد المنعم لاعب نيس الفرنسي فتح قلبه عن تجربته هناك، وحلمه مع منتخب مصر، في الوقت اللي دخل فيه الأهلي وبيراميدز في صراع على ضم الحارس الشاب سيحا، نجم المقاولون العرب المُعار لحرس الحدود، اللي كان حلمه يوصل زي مارتينيز.
أما اتحاد الكوره، فبيفكر يأجل نهائي كاس مصر بين الزمالك وبيراميدز، لأسباب تنظيميه، حسب مصدر من الاتحاد وفي الزمالك، زيزو لسه موقفه غامض، خصوصًا لو انتقل للأهلي، هيقدر يشارك في مونديال الأندية ولا لأ
وفي خبر جديد، عماد النحاس استلم مهمه تدريب الأهلي بشكل مؤقت بعد رحيل كولر، وهيقود الفريق في الدوري.
كمان نادي الشمس قرر يرفع قضايا على الزمالك بسبب شيكات مرتده في صفقة لاعبين وعلى صعيد الطايره، سيدات الأهلي كسبوا سموحه في كأس مصر.
