أمير مرتضى يكشف كواليس إمام عاشور وسبب رحيله من الزمالك
في تصريحات ناريه على قناة إم بي سي مصر 2 فتح أمير مرتضى منصور، المشرف السابق على الكوره في الزمالك، النار بخصوص أزمة عقد إمام عاشور، لاعب الأهلي الحالي، واللي كان لاعب في الزمالك قبل ما يسافر يحترف في ميتييلاند ويرجع بعدها للأهلي.
أمير قال اللي يتحمل وجود إمام عاشور في الأهلي الزمالك مش مربوط بلاعب قرر يسافر وبعدين يرجع لما الدنيا معجبتوش وأكد إنه رفض فكرة إنه يبيع لاعب بـ3 مليون دولار ويرجع يشتريه بنفس الرقم بعد شهور، وده كان رده على صفقة الأهلي مع عاشور.
وأوضح كمان إن النادي حاول يجدد عقد إمام أكتر من 4 أو 5 مرات، لكنه رفض، بعكس لاعبين تانيين زي عبد الله جمعه اللي جدد فعلاً وأكد إنه كان بيبعد عن أي لاعب بيقارن بين الزمالك والأهلي، وضرب مثال بأفشة اللي فضل الأهلي بسبب الفلوس.
وبخصوص عدم توثيق عقد إمام، قال ملقتش غير نسخه واحده في الزمالك، ونسخه pdf، وده اللي خلانا مانقدرش نوثقه وأضاف كنا هنقع في مشاكل قانونيه لو توثق، زي باقي العقود اللي عملتها اللجان المؤقته
