محمد صلاح عينه على أهداف تشيلسي وليفربول داخل الملعب بيلعب تدريب
بعد ما ليفربول ضمن رسمي الدوري الإنجليزي للمره العشرين في تاريخه، الفريق بيستعد لماتش قدام تشيلسي يوم الأحد الجاي في الجولة 35، على ملعب ستامفورد بريدج بس الماتش بالنسبه لصلاح مش مجرد حصه تدريبيه، هو عنده طموحات تانيه.
تشيلسي داخل اللقاء وهو في المركز الخامس بـ60 نقطه، بيحاول يلحق بمكان في دوري الأبطال في المقابل ليفربول مرتاح في الصداره بـ82 نقطه، فالماتش بالنسبه ليه شكلي أكتر.
محمد صلاح اللي متصدر ترتيب الهدافين بـ28 جول، بيحاول يزود غلته صلاح واجه تشيلسي قبل كده في 23 ماتش، كسب 10 واتعادل 7 وخسر 6 وسجل فيهم 8 وصنع 4.
ومن أبرز الماتشات، هدفه مع بازل ضد تشيلسي في الأبطال، وأهدافه بالدوري الإنجليزي في مواسم مختلفه كمان شارك في نهائيات زي السوبر الأوروبي وكأس الرابطة، وكان دايمًا ليه تأثير.
يعني الماتش اللي جاي، ممكن يكون بالنسبه لليفر عادي، لكن لصلاح فيه حسابات تانيه، وأرقام بيدور وراها.
