قلق وجدل كبير بعد إشاعه وفاه أحمد صلاح حسني المفاجئه
انتشرت ف الساعات الاخيره اشاعه غريبه عن وفاه الفنان احمد صلاح حسني، وده خلى جمهوره يدخل في حاله من القلق والخضه، خصوصًا ان الاخبار دي طلعت فجأه من غير أي مصدر موثوق.
لكن احمد بنفسه طلع وكذب الكلام ده وقال ف تصريحات للصحافه انا بخير الحمد لله، واللي بيحصل ده كدب ومش مقبول خالص وأكد ان الاشاعات دي بتأثر عليه وعلى أهله وجمهوره بشكل سلبي، وطلب من الناس تتأكد قبل ماتنشر أي خبر.
نقيب المهن التمثيليه الدكتور اشرف زكي كمان دخل ورد، وقال ف بيان رسمي إن الكلام عن وفاه احمد مش صحيح اطلاقًا، والفنان عايش وبصحه كويسه، ومفيش داعي للبلبله.
وأكد أشرف زكي إن ضروري جدًا نتأكد من المصادر قبل مانصدق أي حاجه، خصوصًا لو كان فيها قلق وخوف للناس، لأن الاشاعات دي بتأثر جامد علي نفسيه الفنانين وحبايبهم.
الجدير بالذكر إن أحمد مابيشاركش حاليًا ف اي شغل فني، وآخر حاجه ليه كانت مسلسل رحيل اللي اتعرض رمضان اللي فات، وشاركته البطوله ياسمين صبري، وحقق نجاح كويس وقتها.
