شائعات جديده عن أحمد حاتم وهنا الزاهد ودي أعمالهم مع بعض
رجعت تاني الشائعات تضرب أحمد حاتم وهنا الزاهد بعد ما انتشرت أخبار كتير عن ارتباطهم، وده بسبب الصور والتفاعل اللي بينهم على السوشيال ميديا، واللي خلا ناس كتير تتكلم إن في حاجه بينهم، خصوصًا إنهم معروفين إن في صداقه قديمه بينهم من زمان.
بس الحقيقه إنهم اشتغلوا سوا أكتر من مره في أعمال فنيه ناجحه، بدأت بفيلم قصه حب اللي اتعرض سنة 2019 وكان من إخراج عثمان أبو لبن، وشاركهم البطوله ياسر الطوبجي وعلا رشدي.
وبعدها بسنه، في 2020، اجتمعوا تاني في فيلم الغساله، وشاركهم البطوله محمود حميده، أحمد فتحي، ومحمد سلام، والفيلم كان من إخراج عصام عبد الحميد.
وفي 2021، ظهر أحمد حاتم في واحده من حلقات مسلسل حلوه الدنيا سكر اللي كانت من بطوله هنا الزاهد، والمسلسل من إخراج خالد الحلفاوي.
أما في 2022، فكان في تعاون جديد في مسلسل أنا وهي وكان معاهم أشرف عبد الباقي، ميرهان حسين ومحمود البزاوي، وإخراج سامح عبد العزيز.
وآخر ظهور جمعهم سوا كان في مسلسل إقامه جبريه،واللي ظهر فيه حاتم كضيف شرف، والبطوله كانت لهنا الزاهد وصابرين، والمسلسل أخرجه أحمد سمير فرج.
فكل اللي بيحصل مجرد شائعات، واللي بينهم هو فن وصداقة مش أكتر.
