مؤتمر نقابة الصحفيين واتفاقيه جديده وسط جدل تغطيه الجنازات
عقدت نقابة الصحفيين مؤتمر صحفي، النهارده الثلاثاء، الساعه ٦ مساء، في القاعه المستديره اللى معروفه بأسم قاعه أمين الرافعي بمقر النقابه، وده للإعلان عن توقيع إتفاقيه تعاون بحضور نقيب الصحفيين خالد البلشي، والدكتور أشرف زكي نقيب المهن التمثيليه.
وخلال المؤتمر، علقت النجمه إلهام شاهين على الجدل اللى داير حوالين تغطيه الجنازات، وقالت إن المشكله مش في الصحفيين ولا الإعلام اللى بيقوم بشغله، لأن عددهم قليل ومعروفين للفنانين من كتر التعامل، وكمان في منهم أصدقاء.
وقالت المشكله في الناس اللى بتيجي من الشارع بس علشان تتفرج، ويصوروا الجنازه وينزلوها على السوشيال وياخدوها ضحك وهزار وأضافت إن الموبايلات بقت مرفوعه في وش الفنانين وهما داخلين وخارجين، وده بيكون محرج جدًا ومش إنساني.
وأكدت إنها مش ضد التوثيق أو الأرشيف، بس من بعيد ومن غير اقتحام أو أسئله سخيفه زي تحب تقول إيه للمتوفي وقالت إن مفيش حد يقدر يراجع مين صحفي ومين لا وقت العزاء، بس كمان مش من حق حد يستغل الحزن لتحقيق ربح من وراه.
