هاني شاكر يهاجم تصوير الجنازات ويكشف موقف مؤلم مع ابنته
النهارده التلات، نقابة الصحفيين عامله مؤتمر صحفي في الساعه 6 مساء في القاعه المستديره بمقر النقابه، علشان تعلن عن توقيع إتفاقية تعاون، بحضور نقيب الصحفيين خالد البلشي، ونقيب المهن التمثيليه أشرف زكي.
من ناحيته، الفنان الكبير هاني شاكر، أمير الغناء العربي تعليقاً على تجاوزات تصوير الجنازات والعزاءات، إن الموضوع بقى مؤلم جدا، وهو شخصيًا مر بموقف صعب يوم وفاة بنته دينا وده من أصعب لحظات حياته.
أضاف هاني شاكر إن فيه ناس بتستغل اللحظات دي علشان تعمل مشاهدات وتكسب فلوس، وبيحولوا الجنازات لبيزنس عشان الترند والدولارات، وده شيء بقى قله قيمه وقله أدب، وبيقدموا صوره سيئه عن المجتمع كله.
وحكى إنه في عزاء بنته في مسجد عمر مكرم، جه شخص يصوره وطلب منه يقول كلمه عن بنته بعد ساعات من جنازتها، فمقدرش يقول غير حسبي الله ونعم الوكيل فيك وده الموقف لسه محفور في قلبه ومش بينساه.
واختتم كلامه إنه لازم يبقى فيه تنظيم واضح يمنع الناس دي، ويحافظ على احترام الموت ومشاعر أهله.
