ناهد السباعي كل دور قدمته كان فيا حاجه من شخصيتي
اتكلمت الفنانه ناهد السباعي فـ حلقه نقاشيه عن دور الست فى الفن، ضمن فعاليات مهرجان إسكندريه للفيلم القصير، وقالت إن كل شخصيه عملتها كانت فيها جزء من شخصيتها الحقيقيه، وقالت فيلم يوم للستات كان قريب من قلبي جدًا، وكمان مسلسل منوره بأهلها، وأعمالي مع يسري نصر الله وكامله أبو ذكري بحبهم جدا وأشارت ناهد إن في أعمال شافتها مؤخرا أثرت فيها زي فيلم الهوى سلطان، ومسلسلات زي 80 باكو ولام شمسية وولاد الشمس، وأكدت إنها دايمًا بتحب تختار أدوار مختلفه، وقالت إنها شايفه نفسها محظوظه إنها اشتغلت مع ناس كانت بتحلم تشتغل معاهم، وأضافت البدايه كنت دايمًا بعمل دور البنت الشعبيه
ولما اتسألت عن تأثير الفن، ردت أكيد الفن بيأثر ف المجتمع، والدليل فيلم جعلوني مجرما، اللي خلى القانون يتغير وأكدت إن فيه أعمال كتير بتغير فعلا في الناس.
المهرجان مستمر لحد ٢ مايو، وبيعرض أفلام قصيره من مصر والعالم، وكمان فيه ورش وندوات لدعم المواهب الشابه ف السينما.
المهرجان اتأسس ٢٠١٥، وبيتعمل كل سنه ف شهر أبريل.
