جواو نيفيز يشيد بإنريكي وبيقول اتعلمت ألعب في 5 مراكز
كال اللاعب البرتغالي الشاب جواو نيفيز المديح لمدربه الإسباني لويس إنريكي، واللي بيقوده حاليًا في باريس سان جيرمان، وقال إن المدرب ده غيّر تفكيره تمامًا في الكرة، وخلاه يقدر يلعب في خمس مراكز مختلفة بين الدفاع والوسط والهجوم.
نيفيز اللي عنده 20 سنة، انضم لباريس في صيف 2024 جاي من بنفيكا مقابل 60 مليون يورو، والنهارده بقى واحد من العناصر المهمة في تشكيل إنريكي، وبيستعد يواجه أرسنال على ملعب الإمارات في ذهاب نصف نهائي دوري أبطال أوروبا.
وقال نيفيز إنريكي بيخلينا نفكر دايمًا، لو فقدنا الكورة، لازم نرجعها فورًا، واللي شايف إن دي تفاصيل بسيطة يبقى مش فاهم الكورة، لإن من غير الكورة مش هتعرف تهاجم
وأكد إن المدرب دايمًا بيطلب من اللاعبين يبذلوا مجهود 100% في الهجوم و120% في الدفاع، وده اللي مخليه مبسوط جدًا باللعب تحت قيادته.
واختتم إنريكي أقنعني لما قالي عايز فريق كله يهاجم ويدافع، وفعلاً دلوقتي بلعب كقلب دفاع، ظهير، جناح، وسط، ومهاجم، وكل ده بفضله
نيفيز ساهم بـ14 هدف مع باريس لحد دلوقتي في كل البطولات.
