الأهلي بيحصد البرونزيه في أفريقيا بعد فوز سهل على الجيش
حقق فريق طائرة الأهلي الميداليه البرونزيه في بطولة أفريقيا بعد ما كسب الجيش الرواندي بنتيجة 3-0 في ماتش تحديد المركز التالت اللي اتلعب النهارده التلات.
الماتش كان سهل نسبيًا على المارد الأحمر اللي دخل اللقاء وهو عايز يعوض خسارة نص النهائي قدام الترجي التونسي بنتيجة 3-2، واللي حرمته من الدفاع عن اللقب القاري.
الفريق قدم أداء قوي في كل الأشواط وقدر يسيطر من أول نقطة لحد آخر نقطه، وده بيأكد إن اللاعبين كانوا مركزين وعايزين يخرجوا بحاجة من البطولة دي.
الاهلي كده بيكون أنهى الموسم بشكل كويس بعد ما حقق الثلاثية المحلية الدوري والكأس والسوبر وبيثبت إنه رقم صعب في كرة الطايرة في مصر وأفريقيا.
الجدير بالذكر إن النهائي هيجمع بين السويحلي الليبي والترجي التونسي، واللي هيبدأ الساعه سبعه مساء النهارده، وهيكون ختام قوي للبطوله.
رغم الخروج من النصف نهائي، بس جماهير الأهلي فرحانه بالأداء والميداليه، ومستنين موسم أقوى السنة الجايه.
