برشلونه يستعد لإنتر وسط غيابات مؤثره ومصير ليفا لسه مش واضح
نادي برشلونه بيستعد يواجه إنتر ميلان بكرا الأربع على ملعب لويس كومبانيس في ذهاب نص نهائي دوري أبطال أوروبا، لكن الأخبار مش كلها حلوه للمدرب هانز فليك اللي بيواجه صداع كبير بسبب الغيابات.
الصحافه الإسبانيه قالت إن فيه تلات لاعبين مهمين غابو عن تدريب النهارده، وهما ليفاندوفسكي، أليخاندرو بالدي، ومارك كاسادو، وده معناه إنهم تقريبًا خارج حسابات ماتش بكرا.
بالدي ممكن يرجع في ماتش الإياب يوم 6 مايو في سان سيرو، لكن ليفاندوفسكي لسه موقفه مش واضح وممكن كمان يغيب عن الإياب، وده هيكون ضربة كبيره للهجوم.
اما إنتر ميلان، فخلص تدريباته في أبيانو جنتيلي، والمهاجم ماركوس تورام شارك عادي، لكن تأكد غياب المدافع بافارد عن اللقاء.
برشلونه عنده سجل قوي قدام إنتر على أرضه، لعب معاهم 6 ماتشات، كسب 5 واتعادل في واحد، ومخسرش ولا مره، وده ممكن يكون دافع لجمهور الكتالوني قبل الموقعة الكبيره.
الجماهير مستنية تشوف لو فليك هيقدر يتصرف في الغيابات دي، ولا هتكون سبب في أزمة كبيرة للفريق.
