الهلال جاهز لكلاسيكو المملكه ضد الأهلي بنص نهائي أبطال آسيا
أعلن البرتغالي خورخي خيسوس، مدرب فريق الهلال، التشكيل الرسمي للفريق قبل المواجهه المرتقبه ضد الأهلي السعودي في كلاسيكو ناري ضمن نصف نهائي دوري أبطال آسيا، واللي هيتلعب النهارده التلات 29 أبريل، الساعه 7:30 بليل بتوقيت مكه والقاهره.
الهلال بيدخل الماتش وهو متحمس بس كمان بيعاني من غياب مهم، الظهير البرتغالي جواو كانسيلو، اللي اتصاب في المباراه اللي فاتت قدام غوانغجو الكوري، ومش هيكون موجود مع الفريق الليله.
تشكيلة الزعيم الرسميه جات كالتالي:
في حراسة المرمي: ياسين بونو
الدفاع: الشهراني، كوليبالي، علي البليهي، رينان لودي
الوسط: سافيتش، روبن نيفيز، مالكوم
وفي الهجوم: سالم الدوسري، ميتروفيتش، ماركوس ليوناردو
الهلال والأهلي اتقابلو قبل كده مرتين بس في البطولة دي، كل فريق فاز مره، الهلال سجل 4 أهداف، والأهلي جاب 3.
الجمهور مستني مباراه قويه، خصوصاً إن الفريقين في فورمه عاليه، والمنافسه بينهم دايمًا فيها حماس ونار.
مين فيهم هيحسم الكلاسيكو الليله؟
