كوناتي يفرح بتتويج ليفربول بالدوري ويقول الحلم اتحقق أخيرًا
كشف المدافع الفرنسي إبراهيما كوناتي، نجم ليفربول، عن إحساسه بعد فوز فريقه رسميًا بلقب الدوري الإنجليزي الممتاز يوم الأحد اللي فات، واللي كان حلم من صغره.
وقال كوناتي في تصريحات نشرها الموقع الرسمي للنادي فاكر لما خدنا كأس كاراباو في ويمبلي، كانت حاجه عظيمه، بس المره دي غير، الدوري الإنجليزي حاجه تانيه خالص
وأضاف بعد الماتش دخلت الملعب وقعدت في المدرجات كإني مشجع عادي، ومكنتش قادر أعبر عن اللي جوايا، شعور لا يوصف بصراحه
وتابع آخر يوم في الموسم هيكون مميز أوي لما نرفع الكأس، بعد 4 مواسم في ليفربول قدرت أحقق الحلم ده أخيرًا
وأكد كوناتي إحنا في أقوى دوري في العالم، وكل موسم الفوز بيه صعب، وكنت من وأنا صغير بتابع كل ماتش، وكنت بحلم أعيش اللحظه دي
واختتم اللي بيخلي الإنجاز ده أعظم إني أول لاعب فرنسي يرفع الكأس مع ليفربول، ده حاجه مش طبيعيه بالنسبالي
الجماهير في انتظار يوم التتويج اللي هيبقى مليان فرحه واحتفالات في ملعب آنفيلد.
