أسئلة واستفسارات الممولين حول قوانين التسهيلات الضريبية أهم 20 سؤال وأجابتها
في ضوء حزمة التسهيلات الضريبية اللي تم الإعلان عنها مؤخرًا، بدأت تظهر أسئلة كتير من الممولين حوالين القوانين دي المهم إن مش هيتم محاسبة الممولين على الفترات السابقة، وبداية النشاط هتكون من 13 فبراير 2025.
الناس اللي مش مسجلة في مصلحة الضرائب لازم يقدموا طلبات للتسجيل في الضريبة على الدخل والقيمة المضافة خلال 3 شهور من التاريخ ده أما بالنسبة للممولين اللي مش قادرين يقدموا الإقرارات الضريبية عن فترات 2020-2024 قبل 13 فبراير 2025، يقدروا يقدموا الإقرارات دي في الفترة ما بين 13 فبراير و12 أغسطس 2025 من غير أي غرامات.
من ضمن الحوافز الجديدة، في تسوية المنازعات الضريبية القديمة، والممولين هيقدروا يسددوا الضريبة المستحقة على دفعات ربع سنوية لمدة سنة، من غير غرامات تأخير بالإضافة إلى إعفاءات من بعض الضرائب زي ضريبة الدمغة ورسم التنمية.
الأنشطة اللي استفادت من القانون هي الأنشطة اللي لا تتجاوز إيراداتها السنوية 20 مليون جنيه، مع شرط الالتزام بتقديم الإقرارات الضريبية في المواعيد المحددة والانضمام للمنظومات الإلكترونية الخاصة بالفواتير والإيصالات الإلكترونية.
