أنشيلوتي خلاص قال وداع لريال مدريد وهيبدأ مشوار البرازيل
انتهت أخيرًا المفاوضات الطويله بين كارلو أنشيلوتي مدرب ريال مدريد والاتحاد البرازيلي، ووافق المدرب الإيطالي على تدريب منتخب البرازيل، بعد ما كان رافض في الأول، لكن الأمور اتغيرت واتفقو على كل حاجه.
أنشيلوتي هيسيب ريال مدريد رسميًا في نهاية الموسم، بعد اتفاق ودي مع فلورنتينو بيريز، وهيمشي من النادي بعد مباراة ريال سوسييداد اللي هتكون آخر جوله في الدوري الإسباني يوم 24 مايو.
صحيفة “آس” الإسبانيه كشفت إن أنشيلوتي هيوقع العقد خلال الأيام الجايه، وهيبدأ مهامه مع السامبا فورًا، وهيعلن يوم 26 مايو عن قائمة المنتخب اللي هتلعب في تصفيات كأس العالم ضد الإكوادور وباراجواي.
المدرب الإيطالي الكبير هيقود أول مباراه ليه مع البرازيل يوم 4 يونيو قدام الإكوادور، وده ضمن تصفيات مونديال 2026 اللي هيتلعب في أمريكا.
ومن الحاجات المهمه كمان إن أنشيلوتي مش هيدرب ريال مدريد في بطولة كأس العالم للأنديه اللي هتتلعب في أمريكا برضو في شهر يونيو.
أنشيلوتي كده بيبدأ فصل جديد في مسيرته، مع منتخب بيحلم يرجع للمجد العالمي من تاني.
