قبل ماتش إنتر ميلان المنتظر، في ذهاب نصف نهائي دوري الأبطال، طلع الشاب لامين يامال، نجم برشلونة، واتكلم بصراحه عن المقارنات اللي بيتعملها بينه وبين الأسطوره ميسي، واللي زادت بعد تألقه اللافت وهو لسه عنده 17 سنة.
يامال، اللي ساهم في فوز البرسا على ريال مدريد بنتيجة 3-2 في نهائي كأس الملك يوم السبت اللي فات، قال إن الماتش الجاي هو أول نصف نهائي أوروبي ليه وكمان لزمايله، وكلهم عندهم شغف يوصلوا للنهائي ويفرحوا جماهير البرسا.
وعن قصة لون شعره الغريب اللي ظهر بيه في الكلاسيكو، قال يامال: “أنا بعمل كده عشان الوقت يعدي بسرعه، وبصراحه، بكون زهقان وأنا في البيت، فبصبغ شعري وخلاص”.
ورد كمان على التصريحات اللي قالها بعد الكلاسيكو لما اتقال إنه متكبر، وقال: “طول ما أنا بكسب، محدش ليه كلام معايا، وقت الخساره ساعتها يتكلموا زي ما يحبوا”.
وفي موضوع المقارنه بميسي، قالها بوضوح: “أنا مش بمقارن نفسي بيه، ميسي هو الأفضل في التاريخ، وأنا لسه في طريقي، بحاول أكون نفسي بس”.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
