ريال مدريد يتلقى صدمه جديده بعد إصابه روديجير وسيبايوس في وقت حرج
الجهاز الفني لريال مدريد تلقى خبر محزن بعد تأكيد إصابة المدافع الألماني أنطونيو روديجير، واللي خضع لعمليه جراحيه ناجحه بعد ما تعرض لتمزق جزئي في الغضروف الخارجي لساقه اليسرى.
العمليه أجراها الدكتور مانويل ليسيس تحت إشراف الطاقم الطبي للريال، وحيبدأ اللاعب فتره العلاج والتأهيل قريب جدًا.
الأسوء إن الصحف الإسبانيه وعلى رأسها “ريليفو”، أكدت إن داني سيبايوس كمان اتعرض لإصابه خفيفه في كاحله الأيسر، وأجرى فحوصات أظهرت وجود التواء، ولسه ما تحددش موعد رجوعه للملاعب.
سيبايوس شارك مع الفريق الموسم ده في 35 مباراه بمختلف البطولات، وقدم تمريرتين حاسمتين، لكن ما قدرش يسجل أي هدف.
المشكله الأكبر إن روديجير تقريبًا خلص موسمه مع الريال، ومشاركته في كأس العالم للأنديه مازالت غير واضحه، خصوصًا إن الريال داخل على مباريات مهمه سواء في الدوري أو بطولات تانيه.
الغيابات دي بتشكل صداع لأنشيلوتي اللي بيحاول يحافظ على توازن الفريق وسط ضغط المباريات والإصابات المتكرره.
