هانز فليك يتكلم عن صعوبه مباراه إنتر ويوضح خطط برشلونه الجايه
تكلم المدرب الألماني هانز فليك، المدير الفني لبرشلونه، عن صعوبه المواجهه قدام إنتر الإيطالي في نصف نهائي دوري أبطال أوروبا، واللي حتقام يوم الأربعاء 30 أبريل 2025 على ملعب مونتجويك في برشلونه، الساعه 10 بالليل بتوقيت السعوديه.
فليك قال في المؤتمر الصحفي: “احنا مركزين على المباراه الأولى، لإنها الخطوه الأولى والاهم.
إنتر فريق قوي جدًا، ودفاعهم من الأفضل في أوروبا، وكمان بيعرفوا يبنوا اللعب من الخلف بخبره ولاعبي وسط مميزين”.
وأضاف كمان: “بعد ما فزنا بالكأس ضد ريال مدريد، المشاعر كانت عاليه، بس دحين لازم ننسى ونتفرغ لدوري الأبطال. حلمنا نوصل النهائي، وكل الفريق في حاله تركيز عالي”.
وتكلم عن التشكيله وقال: “ما أقدر أقول اليوم مين راح يبدأ، بنشوف بكرا حالة اللاعبين، والكل يبغى يقدم أقصى مجهود.
إنتر لعبو قبلنا ومرتاحين أقل بس ما يفرق، لأن في النهايه هذي أهم مباراه في الموسم”.
وختم فليك: “عملنا اجتماع وحللنا الخصم وتعلمنا من آخر مباراه مع مدريد، وحنحاول نلعب بطريقتنا ونفرض أسلوبنا قدام إنتر”.
