خيسوس في ورطه بعد خسارة الأهلي ومستقبله مع الهلال غامض
الهلال خسر تاني وخروج مرير من نصف نهائي دوري أبطال آسيا للنخبة بعد ما اتغلب قدام الأهلي بنتيجة 3-1، والضربه كانت قاسيه على الجماهير والإدارة كمان.
بعد الأداء الباهت واختيارات التشكيله الغريبه من المدرب البرتغالي خورخي خيسوس، بدأت إدارة الهلال تراجع حساباتها.
وحسب تقارير مقربه من البيت الهلالي، في إجتماع مرتقب هيحصل بين مجلس الإدارة وخيسوس علشان يتكلمو عن مستقبله مع الفريق.
خيسوس اللي بدا الموسم بأمال كبيرة في حصد البطولات، دلوقتي بيواجه مصير مجهول، خصوصًا بعد ضياع حلم دوري روشن كمان، وبكده الهلال بيكون خرج من كل البطولات الكبيره الموسم ده، والنتايج مش قد طموحات الجماهير.
الناس بتتكلم إن الموسم ده غالبًا هيكون الأخير للمدير الفني خيسوس، والقرار الرسمي ممكن يتاخد خلال أيام.
لحد دلوقتي مفيش حاجه مؤكده، بس الأكيد إن الضغط زاد عليه جدًا والإدارة مش راضيه عن اللي حصل.
الهلال لازم ياخد قرارات مصيريه بسرعه علشان يلحق يبني فريق قوي للموسم الجاي.
