ريال مدريد واضح إنه ناوي يدخل سوق الانتقالات الصيفيه بقوه، ومش بس بيفكر ف مركز الظهير اليمين زي الأول، دلوقتي بقى مركز الظهير الشمال هو اللي واخد كل الإهتمام من الإداره.
وده بعد ما المستوى بتاع فيرلاند ميندي وفيران جارسيا مش ثابت، وكمان اضطر المدرب يعتمد على لعيبه مش ف مكانهم زي ألابا وكامافينجا عشان يسد الفراغ ده.
الصحيفه الإنجليزيه “ذا أتلتيك” كشفت إن النادي الملكي عنده حالياً خيارين على الطاوله، أولهم المجري ميلوس كيركيز نجم بورنموث الإنجليزي اللي داخل عليه كمان ليفربول ومان سيتي وبيتابعوه من قرب، والتاني هو ميجيل جوتيريز لاعب جيرونا اللي أصلاً كان من ناشئين الريال وخرج سنة 2022.
جوتيريز بيقدم موسم ناري مع جيرونا، لعب 28 ماتش وسجل هدف وصنع 5، والنادي لسه محتفظ بحقه في استرجاعه مقابل 8 مليون يورو بس، وده رقم مغري جدا بالنسبه للإداره.
شكلنا هنشوف وجوه جديده ف البرنابيو الصيف الجاي، خصوصاً ف الخط الخلفي.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
