لاوتارو يتحدى برشلونه ويشيد بيامال قبل قمة دوري الابطال
قبل ماتش ناري قدام برشلونه، طلع لاوتارو مارتينيز قائد إنتر ميلان واتكلم عن الحماس الكبير اللي عنده هو وفريقه قبل مواجهة الكتالونيين في ذهاب نص نهائي دوري أبطال أوروبا، اللي هيتلعب بكرا الاربع في ملعب مونتجويك.
لاوتارو قال كلام كبير عن يامال نجم برشلونه الشاب، وقال: “لامين لاعب كبير وعنده مستقبل عظيم، بس مفيش مقارنه بينه وبين ميسي، ليو كان ولسه الافضل في التاريخ”.
وأكد كمان إن الفريق رغم الهزيمه في اخر 3 ماتشات محليه، الا إنهم مستعدين تمامًا وقال: “المجموعة قويه ومتماسكه، وعندنا رغبه كبيره نرجع للنهائي ونفرح جمهورنا، ومتحمسين نلعب ضد خصم كبير زي برشلونه”.
أما عن ماركوس تورام، فقال لاوتارو: “هو لاعب مهم جدًا، والحمد لله رجع وهنشوف بكرا المدرب هيبدأ بيه ولا لأ”.
واختم كلامه عن الجوائز الفرديه وقال: “الجوائز دي بتيجي من مجهود جماعي، وأهم حاجه بالنسبالي الفريق، وأسعاد جمهورنا وأهالينا اللي بتتعب معانا”.
