الأهلي يكسب الهلال بثلاثية ويضرب موعد في نهائي كأس النخبة
في ليلة كروية نارها كانت مشتعلة، الأهلي السعودي قدر يحقق فوز كبير على غريمه الهلال بنتيجة 3-1، ويتأهل رسميًا لنهائي كأس النخبة الآسيوية، بعد ما قدّم واحده من أقوى مبارياته في البطولة.
المباراة اللي جمعت الفريقين في نصف النهائي، بدأت بندية وحماس من الطرفين، بس الأهلي كان له الكلمة الأعلى، وقدر يستغل الفرص اللي جاتله بشكل ممتاز، وسجّل ثلاث أهداف ولعّت المدرجات فرح والهلال حاول يرجع في النتيجة، وسجّل هدف وحيد، لكنه ماكان كفاية قدام قوة الأهلي وتنظيمه داخل الملعب.
وبالنتيجة دي، الأهلي يستنى في النهائي خصمه اللي هيتحدد من مباراة النصر وكاواساكي الياباني اللي هتتلعب بكرة وأما الهلال، فودّع البطولة من الباب الكبير، وخرج بخيبة أمل ماكان أحد يتوقعها، خاصة إنه كان مرشح قوي للقب.
جمهور الأهلي عنده حق يفرح، لأن الفريق أثبت إنه جاهز للكبار، وإنه جاي ياخد الكأس ما بس يتأهل للنهائي. المدرب لعبها صح، واللاعبين كانوا في قمة تركيزهم، وكل خط في الفريق اشتغل بتكامل وانسجام واضح.
دلوقتي الأهلي عنده خطوة وحدة على الحلم، خطوة فيها تعب ومجهود، بس جماهيره وراه، واللاعبين حاسين بالمسؤولية. هل يكملها الأهلي ويرفع الكأس؟ الأيام الجاية هتقول.
