الأهلي ينهي الشوط الاول متقدم على الهلال بهدفين لهدف آسيويا
انتهى الشوط الاول من القمه الكبيره اللي جمعت الهلال ضد الأهلي في نصف نهائي دوري أبطال آسيا للنخبه، واللي شغال حالياً على ملعب الإنماء بجده، بتقدم الراقي بنتيجة 2-1 على الزعيم.
الأهلي دخل المباراه بكل قوه وضغط عالي من أول الدقايق، وسجل الهدف الاول بسرعه في الدقيقه التاسعه عن طريق البرازيلي فيرمينو بعد تمريره ذكيه خلت دفاع الهلال واقف يتفرج.
وفي الدقيقه 27 زود الإنجليزي إيفان توني التقدم بهدف ثاني من هجمه منظمه، خلّت جماهير الأهلي تهتف بقوه، بينما الهلال كان تايه في الملعب، ما قدر يرد في أغلب أوقات الشوط.
وشهدت المباراه لقطه غريبه بعد التحام قوي بين كوليبالي مدافع الهلال وتوني، واللي سددله ضربه في الراس متعمده، بس الحكم ما طلع كرت احمر رغم وضوح اللقطه للجميع.
لكن قبل نهاية الشوط رجع سالم الدوسري وسجل هدف تقليص الفارق للهلال في الدقيقه 42، وده خلّى الأمل راجع نوعا ما للزعيم إنه ممكن يرجع في الشوط التاني.
جماهير الفريقين في قمة الحماس، والماتش مولّع من بدايته، ولسه في فرصه لأي فريق يقلب النتيجه.
