قبل ساعات من القمة النارية اللي هتجمع إنتر ميلان ببرشلونة في ذهاب نصف نهائي دوري أبطال أوروبا، طلع سيموني إنزاغي مدرب النيراتزوري بتصريحات نارية، فيها حماس وتحذير في نفس الوقت من الخصم الكتالوني اللي شايفه “أقوى فريق في العالم حالياً”.
انزاغي قال: “فيه حماس كبير مننا كلنا، وكابتن الفريق كمان قال كده. احنا جايين من أسبوع صعب، وده بيخلينا محتاجين نقدم أكتر ونتحسن، بس كلنا متحمسين للمواجهة دي واللي وصلنا له لحد دلوقتي”.
المدرب الإيطالي شدد على صعوبة المهمة، ووضح إن برشلونة مش خصم سهل إطلاقًا، بالعكس شايف إنه أقوى هجوم حاليًا في أوروبا، وقال: “برشلونة فريق بيسجل أهداف كتير، لازم نكون مركزين ونعرف إمتى نضحي، لأن المباراة دي محتاجة جهد جماعي، وتقنية عالية، وتركيز على كل تفصيلة”.
وأكد إنزاغي إن إنتر لازم يكون في أفضل حالاته عشان يقدر يطلع بنتيجة إيجابية على أرضه قبل ما يروح لموقعة العودة في الكامب نو، واللي هتكون بالتأكيد صعبة أكتر.
إنتر داخل اللقاء بروح عالية بعد تخطي البايرن، وبرشلونة جاي منتعش بعد تجاوز باريس، وكل ده بيجهزنا لـ واحدة من أقوى مواجهات الموسم الأوروبي، وممكن نقول إنها “نهائي قبل الأوان”.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
