إنزاجي على أعتاب التاريخ الأوروبي و50 مباراه تخليه الأسطوره
سيموني إنزاجي، مدرب إنتر ميلان، بيستعد يدّون اسمه بحروف من دهب في تاريخ دوري أبطال أوروبا، لما فريقه ينزل ضيف على برشلونه يوم الأربعاء على ملعب لويس كومبانيس في ذهاب نصف النهائي.
الماتش ده مش عادي بالنسبه لإنزاجي، لأنه هيكون رقم 50 ليه مع الإنتر في دوري الأبطال، وده رقم محدش من المدربين الإيطاليين قبله حققه مع نفس النادي.
حتى لو خسر قدام برشلونه، إنزاجي لسه متفوق بالأرقام، لأنه حقق لحد دلوقتي 26 فوز في أول 50 مباراه، وده أكتر من الأسطوره مارشيلو ليبي، اللي كان دايمًا مرجع في الكوره الإيطاليه.
ورغم إن الفريق داخل على المواجهة دي بعد 3 خسائر محليه قدام بولونيا، ميلان وروما، بس إنزاجي قدر يحافظ على توازن الفريق أوروبيًا، وده اللي خلى جماهير الإنتر لسه عندها أمل كبير.
الأرقام بتقول إن إنزاجي بقى واحد من أفضل مدربين الإنتر على مستوى البطولات الأوروبيه، والليلة الجايه ممكن تزود رصيده من المجد لو قدر يحقق نتيجه إيجابيه قدام الكتالوني.
