فيرمينو يفتتح حفلة الأهلي ضد الهلال والنصر جاهز لموقعة كاواساكي
بدأت نار المواجهة تشتعل بين الأهلي والهلال في نصف نهائي دوري أبطال آسيا للنخبة، واللي شهد أول أهداف اللقاء عن طريق البرازيلي فيرمينو، اللي خطف كوره من قلب منطقة الجزاء وحطها في شباك الحارس بونو في الدقيقه التاسعه.
الهدف ده أشعل اللقاء وزود الحماس في المدرجات، خصوصًا وإن الهلال بدأ يضغط بكل قوته عشان يعادل النتيجة قبل نهاية الشوط الأول ويحافظ على آماله في التأهل للنهائي.
من ناحية تانيه، نادي النصر السعودي بيحضر نفسه لمباراة ناريه أمام كاواساكي الياباني في نصف النهائي التاني.
اللقاء هيتلعب يوم الأربع الساعه ٧:٣٠ مساء بتوقيت مكه، على ملعب مدينة الملك عبدالله الرياضيه “الإنماء”.
النصر داخل اللقاء بكل تركيز، وبيعتبره مفترق طرق في مشواره الآسيوي، واللاعبين عازمين على تحقيق نتيجه إيجابيه تأهّلهم للنهائي الكبير، خصوصًا بعد الأداء القوي اللي قدموه في دور ربع النهائي.
الآمال معلقة على نجوم العالمي، والجماهير متحمسة تشوف مواجهة سعودية – يابانية بطابع نهائي مبكر، في انتظار ملحمة كروية على أرضية الإنماء.
