احجز تذكرتك دلوقتي لمباريات الجولة الرابعة في دوري النيل ٢٠٢٤-٢٠٢٥ قبل ما تفوتك
اعلنت شركة تذكرتي النهارده من خلال صفحتها الرسميه على فيسبوك، عن بدأ حجز تذاكر مباريات الجولة الرابعه من مرحله الحسم في دوري النيل للموسم الكروي ٢٠٢٤-٢٠٢٥، ودا ضمن منافسات الدوري المصري الممتاز.
الشركه كتبت في منشورها فتح باب الحجز لمباريات المرحلة النهائية الأسبوع الرابع فى دوري النيل لموسم ٢٠٢٤-٢٠٢٥ وده معناه ان كل الجماهير دلوقتي تقدر تحجز تذاكرها اونلاين من خلال المنصه.
المباريات الجايه حتكون حماسيه جدا، لأن يوم الحد الجاي، هيقابل النادي الأهلي فريق حرس الحدود في مباراة قوية متوقعه الساعه ٨ بالليل على استاد القاهره الدولي.
اما الزمالك، فحيواجه البنك الأهلي يوم الاتنين اللي بعده على طول، في نفس المعاد برضه، الساعه ٨ مساءً، لكن على استاد المقاولين العرب مش القاهره.
الجمهور منتظر المباريات بفارغ الصبر، خصوصًا وإن المنافسه بدأت تسخن بين الفرق، وكل نقطه دلوقتي ممكن تفرق في مشوار الفوز بالبطوله.
لو انت من جمهور الأهلي أو الزمالك أو حتى أي فريق تاني، متفوتش الفرصه واحجز تذكرتك بسرعه قبل ما التذاكر تخلص، واستعد لتشجيع فريقك من قلب الحدث
