اجتماع ناري في الهلال لتحديد مصير جيسوس بعد الخروج الآسيوي
كشفت صحف سعوديه، إن نادي الهلال بيعقد اجتماع مهم جدًا النهارده الأربع، برئاسه فهد بن نافل، علشان يناقشو مصير المدرب البرتغالي خورخي جيسوس، بعد الهزيمه اللي حصلت للفريق ضد أهلي جده في نصف نهائي دوري أبطال آسيا للنخبه، واللي انتهت ٣-١.
الناس بدأت تسأل كتير عن مستقبل جيسوس، خصوصًا بعد الخروج المفاجئ من البطوله، اللي كان الهلال مرشح قوي للقب فيها.
جريدة الشرق الأوسط وضحت إن الاجتماع مش بس عشان المدرب، لكن كمان عشان يرسمو خطه للمرحله الجايه، لأن الهلال فاضله خمس مباريات مهمين في الدوري السعودي.
رغم الخروج، جيسوس قال بعد الماتش إنه مش ناوي يمشي، وإنه متمسك يبقي مع الفريق لحد نهايه الموسم، وكمان يشارك في كأس العالم للأنديه اللي هيتلعب في أمريكا في يونيو.
من ناحيه تانيه، في تقارير بتقول إن الإداره عايزه تجيب المدرب الكبير كارلو أنشيلوتي، مدرب ريال مدريد، علشان يقود الهلال في مونديال الأنديه.
الهلال حالياً في المركز التاني في الدوري بـ٦٢ نقطه، ورا الاتحاد اللي عنده ٦٨ نقطه بعد ٢٩ جوله
