كل الأنظار متجهة الليلة لملعب مونتجويك في كتالونيا، عشان نتابع واحدة من أقوى مواجهات دوري أبطال أوروبا، بين برشلونة الإسباني وإنتر ميلان الإيطالي في ذهاب نصف النهائي والماتش ده مش عادي، لأنه بيجمع بين أقوى خط هجوم وأقوى دفاع في البطولة لحد دلوقتي!
برشلونة داخل اللقاء وهو متصدر قائمة الفرق الأكتر تسجيلًا للأهداف، بـ35 جول، متفوق على عمالقة زي بايرن ميونخ وبروسيا دورتموند اللي سجلوا 31 جول بس ويعني هجوم البارسا مولع، ومفيش فريق قدر يوقفه تقريبًا.
في الجهة التانية، إنتر ماسك الدفاع بإيد من حديد، ومفيش غير 5 أهداف بس دخلت مرماه طول البطولة، وده رقم مفيش حد قرّب منه، حتى ليفربول استقبل 6 وأرسنال 8. يعني دفاع إيطالي تقليدي، صلب وواقف على رجليه.
الماتش ده مش مجرد أرقام، ده معركة تكتيكية صريحة بين أسلوب هجومي مفتوح لفريق زي برشلونة، وبين تنظيم دفاعي مرعب لإنتر. السؤال بقى: هل يقدر هجوم البارسا يكسر حديد الإنتر؟ ولا الطليان هيقفلوا اللعب وياخدوا أفضلية قبل العودة؟
أياً كانت النتيجة، إحنا على موعد مع 90 دقيقة من العيار التقيل، ماتتفوتش!
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
