أرتيتا زعلان بعد خسارة أرسنال: كنا نستاهل نكسب باريس سان جيرمان
واضح إن ميكيل أرتيتا، مدرب أرسنال، مش طايق نفسه بعد خسارة فريقه قدام باريس سان جيرمان في ذهاب نصف نهائي دوري أبطال أوروبا والراجل طلع بعد الماتش وقالها بصريح العبارة: “كنا نقدر نسجل هدفين تلاته، بس الفرص راحت والنتيجة مش بتعبر عن اللي قدمناه”.
أرسنال لعب ماتش كبير، وكان الطرف الأحسن في فترات كتير من اللقاء، بس زي ما أرتيتا قال، التفاصيل الصغيرة هي اللي فرّقت. كام فرصة ضاعت، وكام غلطة بسيطة كلفت الفريق كتير.
أرتيتا كمان حاول يرفع من معنويات لاعيبته وقال إن لسه كل حاجه ممكنة، ولسه فيه أمل في ماتش العودة “هنستعد كويس، ولسه قدامنا 90 دقيقة نقدر نغير بيهم كل حاجه”، كده قالها المدرب الإسباني بكل ثقة.
الجمهور الأرسنلاوي أكيد عنده شوية إحباط، بس كمان عنده أمل. الفريق لسه في الصورة، ولو لعبوا بنفس الروح في ماتش الإياب، مفيش حاجه تمنعهم يوصلوا للفاينل الكبير.
أنت شايف أرسنال يقدر يقلب الطاولة في لندن؟
