بايرن ميونيخ واثق في ضم فيرتز وبيتفاوضو معاه وعيلته شخصيًا
بايرن ميونيخ بدأ يتحرك بجد علشان يضم النجم الألماني الشاب فلوريان فيرتز من باير ليفركوزن في الصيف الجاي، وبيبان عليه واثق جدًا إنه يخلص الصفقه دي قريب.
حسب سكاي ألمانيا، إدارة البايرن دخلت في مفاوضات مباشره مع اللاعب ومع عيلته كمان، واتفقو مبدأيًا على عقد مدته خمس سنين، والراتب هيكون ما بين 20 لـ25 مليون يورو في السنه.
لحد دلوقتي، مافيش تفاوض رسمي بين بايرن وليفركوزن، لكن الكلام مع فيرتز نفسه ماشي تمام، وده بيخلي انتقاله للأليانز أرينا احتمال كبير جدًا.
فيرتز عنده 21 سنه، وبيتم متابعته من أندية كبار في أوروبا، خصوصًا مانشستر سيتي، اللي شايف فيه بديل مناسب لدي بروين، اللي احتمال كبير يمشي في نهاية الموسم.
الموسم ده، فيرتز كان نجم كبير مع ليفركوزن، لعب 42 ماتش، سجل 15 جول، وصنع 13، وشارك في أكتر من 3100 دقيقه.
واضح إنه بقى واحد من أهم المواهب في أوروبا، والبايرن مش عايز يفوّت الفرصه دي خالص. هل
