ليفربول ناوي على كامبياسو لتعويض أرنولد اللي رايح مدريد
ليفربول بيدوّر بقوه على ظهير أيمن جديد في الميركاتو الصيفي، وده بعد الأخبار اللي بتأكد إن ترينت أرنولد قرب يروح لريال مدريد ببلاش بعد نهاية عقده.
صحيفة كالتشيو ميركاتو الإيطاليه قالت إن الإدارة حاطين أندريا كامبياسو، لاعب يوفنتوس، في أولويه التعاقدات، وسعره المتوقع حوالي 45 مليون يورو.
الميزه في كامبياسو إنه يقدر يلعب يمين وشمال، وده يناسب أفكار المدرب آرني سلوت، اللي عايز يبني فريق مرن ومرتب تكتيكيًا.
الصحيفه كمان أشارت إن اللاعب ممكن يكون مهتم بفكرة الانتقال للريدز، خصوصًا إنه عايز ينافس على البطولات، وده مش بيحصل دلوقتي في يوفنتوس اللي لسه بيعيد بناء نفسه.
كامبياسو، عنده 24 سنه، شارك في 39 ماتش مع يوفنتوس الموسم ده، وسجل هدفين وصنع تلاته، وده خلى عيون أندية كتير تركز عليه.
الجدير بالذكر إن ليفربول فاز مؤخرًا على توتنهام 5-1، وتوج بالدوري الإنجليزي للمرة الـ20 في تاريخه،
