خلاص الصرف بالزيادة اليوم… موعد صرف معاشات شهر يوليو 2025 متضمنة زيادة 15% وشرح كامل لطريقة حساب المعاش الجديد رسميًا
بداية جديده لأصحاب المعاشات مع صرف زياده شهر يوليو 2025 مع بداية شهر يوليو 2025، بيستعد حوالي ١١ ونص مليون مواطن في مصر لصرف معاشاتهم متضمنه زياده جديده اقرها الرئيس عبد الفتاح السيسي بنسبة ١٥٪ الخطوة دي بتيجي ضمن حزمة الحمايه الاجتماعيه اللي الدوله بتركز فيها على دعم الناس الاكثر احتياجا ودي تعتبر فرصه لكتير من الاسر المصريه لتحسين دخلهم الشهري ولو بشكل بسيط.
صرف المعاشات في أول الشهر مش اخره الكثير من اصحاب المعاشات دايما بيسألو، هو المعاش بيتصرف امتى بالظبط؟ الحقيقة إن صرف المعاشات في مصر بيكون اول كل شهر، مش زي المرتبات اللي غالبا بتتصرف في اخر الشهر يعني معاش يوليو هيتصرف ١ يوليو، ودي حاجه بتسهل على الناس انهم ينظموا مصاريفهم من بدري.
كيف يتم حساب زيادة المعاشات وازاي تضمن حقك في الزياده
واحد من اهم الاسئله اللي بتشغل اصحاب المعاشات: هل الزياده بتتحسب على اجمالي المعاش ولا جزء منه؟ في السنوات اللي فاتت، كان في دايما حوارات حوالين “المعاش الاساسي” و”المعاش المتغير”، لكن حاليا الموضوع اتغير نظام التأمينات الجديد بيتعامل مع المعاش كمبلغ كامل، والزياده بتتحسب على الاجمالي كله من غير تقسيم.
يعني لو حضرتك بتقبض مثلا ٣٠٠٠ جنيه، مع الزياده الجديده هتاخد ٣٤٥٠ جنيه مافيش اي حاجه اضافيه مطلوبه منك، كل حاجه بتتحسب اوتوماتيك في السيستم من غير ما تروح او تقدم طلب.
جدول الزياده الجديده للمعاشات لشهر يوليو 2025
| المعاش القديم | الزياده ١٥٪ | المعاش بعد الزياده |
|---|---|---|
| 2000 | 300 | 2300 |
| 3000 | 450 | 3450 |
| 4000 | 600 | 4600 |
| 5000 | 750 | 5750 |
| 6000 | 900 | 6900 |
تفاصيل عدد المستفيدين وتكلفة الزياده
بحسب تصريحات رئيس هيئة التأمينات، عدد المستفيدين من الزياده دي حوالي ١١.٥ مليون مواطن بين اصحاب المعاشات والمستحقين عنهم التكلفه السنويه للزياده دي بتوصل لـ ٧٠ مليار جنيه، وده مبلغ مش بسيط، لكن الدوله بتأكد كل مره انها مستمره في دعم اصحاب المعاشات بحزم اجتماعيه تانيه في الفتره الجايه وكمان في منظومه إلكترونيه حديثه هتتطبق قريب عشان تسهل كل خدمات التأمين الاجتماعي بشكل أسرع وأوضح للمواطنين.
معلومات تهمك عشان تضمن صرف زياده معاشك بدون مشاكل
- الزياده بتتحسب تلقائي على اجمالي معاشك
- مش مطلوب منك اي اجراءات او اوراق جديده
- المعاش بيتصرف ١ يوليو من كل شهر
- تابع اي تحديثات جديده من هيئة التأمينات على موقعهم
وفي النهاية، بوابة سعودي اون بتؤكد حرصها الدائم على نقل كل جديد بخصوص قرارات المعاشات والتأمينات لحظة بلحظة، ونتمنى لكل اصحاب المعاشات شهر طيب ودخل مرتفع دايما.
