الهلال بيحرك سريعا بعد الخساره ويقرب من حسم صفقه دفاعيه مدويه
إدارة الهلال ما ضيعت وقت، وبدأت تشتغل بسرعه عشان تدعم الفريق بعد الهزيمه التقيله اللي جاتهم من الأهلي بنتيجه 3-1 في نصف نهائي دوري أبطال آسيا للنخبه، واللي اتلعب على ملعب مدينة الملك عبدالله بجده.
الجماهير كانت غاضبه جدا، خصوصاً من المدرب خيسوس اللي مصر يعتمد على علي البليهي، رغم تراجع مستواه بشكل واضح الفتره الأخيره، ودا خلى الكل يطالب بتغيير فوري.
وفي جديد الاخبار، قالت تقارير إن الهلال قرب يخلص التعاقد مع عبدالله مادو مدافع الاتفاق، في صفقه بتعتبر ضربه كبيره ومهمه للدفاع، خصوصا إن خيسوس طلب مدافع يجيد اللعب بالقدم اليسرى، ودا سبب تمسكه بالبليهي.
الهلال كان حاول قبل كدا يجيب علي لاجامي من النصر، خصوصا إنه دخل الفتره الحره، بس المفاوضات وقفت لأسباب ماديه وما تمت.
الجماهير مستنيه الإعلان الرسمي ومتحمسه تشوف وجوه جديده تدعم الفريق، خصوصا إن الطموحات كبيره ودايماً عيونهم على البطولات.
