ريال مدريد في ورطه قبل الكلاسيكو الإصابات تكسر ظهر الفريق
ريال مدريد داخل على الكلاسيكو الجاي قدام برشلونه وهو في حاله لا يحسد عليها، بعد الإصابات اللي ضربت الفريق وسببت أزمه حقيقيه في التشكيله، ودا قبل ما الموسم يخلص بـ 5 جولات بس.
الفريق فقد تقريباً خط الدفاع كله، واللي باقي بس فاسكيز وفيران جارسيا، ومعاهم راؤول أسينسيو اللي طلع من الكاستيا عشان يغطي النقص.
أما باقي النجوم زي ميندي وألابا وروديجر كلهم اتصابو وبشكل مؤكد مش هيكونو موجودين في الكلاسيكو يوم 11 مايو، دا غير كامافينجا اللي موسمه خلص برضو.
روديجر كمان مش بس اتصاب، دا خد طرد في آخر كلاسيكو وكمان عمل عمليه في الركبه، يعني موسمه انتهى خلاص.
أنشيلوتي بيدور دلوقتي على حلول سريعه، ممكن نشوف تشواميني في قلب الدفاع تاني، رغم إنه لاعب وسط، بس الظروف بتجبرك.
التشكيل المتوقع غريب شويه، بس ممكن يبقى كدا: كورتوا فالحراسه، جارسيا وتشواميني وأسنسيو وفاسكيز فالدفاع، وجوه خط الوسط جولر، سيبايوس، وفالفيردي، ومعاهم بيلينجهام، وفي الهجوم مبابي وفينيسيوس.
الريال لازم يثبت إنه كبير حتى وسط الإصابات، والجماهير مستنيه المعجزه.
