خيسوس يصدم لاعيبة الهلال بقرار غريب بعد السقوط الآسيوي الكبير
فاجئ البرتغالي خورخي خيسوس مدرب الهلال لاعيبة الفريق الأول بقرار غريب بعد خسارتهم قدام الأهلي 3-1 وخروجهم من نصف نهائي دوري أبطال آسيا للنخبة، اللي كانت الناس كلها شايفه الهلال رايح ياخدها.
خيسوس قرر يدي اللعيبة راحه يومين كاملين من التمارين، وده كان مفاجأه للكل، خصوصًا بعد المستوى الضعيف اللي ظهر بيه الفريق في مباراة الإنماء قدام الأهلي، والجمهور كان متوقع رد فعل أقوى.
القرار جاي يمكن عشان يهدّي النفسيه أو يخف الضغط عن اللعيبه بعد السقوط، لكن في ناس شافت إن القرار مش في وقته، خصوصًا إن الهلال لسه قدامه مباريات مهمه في دوري روشن.
الهلال دلوقتي بيجهز لمباراته الجايه قدام الرائد، اللي هتتلعب يوم 7 مايو الجاي في ملعب الملك عبدالله ببريدة، الساعه 7:15 بليل بتوقيت مصر والسعوديه.
الهلال حالياً في المركز التاني بـ62 نقطه، وراه الاتحاد بـ6 نقاط، يعني الدوري لسه مش محسوم، ولازم الفريق يصحى بسرعه قبل ما يفوته القطار.
