كومان على رادار ليفربول لتعويض جوتا اللي قرب يمشي
ليفربول بيخطط يدعم هجومه الصيف الجاي، وحاطط عينه على الجناح الفرنسي كينجسلي كومان، نجم بايرن ميونيخ، كبديل محتمل لدييوجو جوتا اللي شكله خلاص قرب يسيب النادي.
حسب ما جابت صحيفة CaughtOffside، كومان عنده 28 سنة وبقى هدف لعدد من أندية البريميرليج، منهم ليفربول وآرسنال وتوتنهام، خصوصًا إن فيه كلام عن احتمال رحيله من البايرن بعد نهاية الموسم.
ليفربول بيشوف في كومان خيار قوي لتعويض جوتا، واللي عليه اهتمام من كذا نادٍ إنجليزي وكمان فيه عروض من أندية سعوديه، يعني فرص رحيله بقت كبيره جدًا.
التقارير قالت إن كومان نفسه مش ممانع خالص يسيب الدوري الألماني ويخوض تجربه جديده، وبيفضل يروح نادي كبير ينافس على البطولات زي ليفربول أو آرسنال، وكمان عايز يضمن يلعب بشكل أساسي.
اللاعب شارك مع بايرن ميونيخ الموسم ده في 38 ماتش، سجل 7 أهداف وصنع 4، يعني قدم أداء ثابت رغم التنافس الكبير في تشكيله البايرن.
