جوندوجان يفجرها: روديجر غلط ولازم يتعاقب بعد اللي عمله
علّق ألكاي جوندوجان، قائد مانشستر سيتي ومنتخب ألمانيا السابق، على أزمة مدافع ريال مدريد أنطونيو روديجر، بعد الموقف الغريب اللي حصل في نهائي كاس الملك قدام برشلونة، واللي خسره الريال 3-2.
روديجر اتعرض للطرد بعد ما حاول يعتدي على حكم المباراة ريكاردو دي بورجوس، في مشهد صدم جمهور الريال وكل متابعي الكلاسيكو.
وبعدها، اتقرر إيقافه 6 مباريات، بس كده كده موسمه خلاص انتهى بسبب عملية جراحية عملها في غضروف الركبة.
جوندوجان طلع واتكلم بصراحه وقال: “روديجر غلط، لازم يتعاقب، ومفيش شك إنه يستاهل العقوبة دي لازم يتعلم من اللي حصل ويعدي المرحلة دي”.
وأضاف كمان: “روديجر دايمًا عنده طابع عدواني في اللعب، وده أسلوبه لما يكون معاك في الفريق بتحبه، بس لو ضدك بيبقى مزعج جدًا”.
وختم كلامه وقال: “أنا جربته في المنتخب، بيبقى مفيد جدًا لما يكون في حاله، وجمهورنا أوقات بيشوفه استثنائي بس لازم يعرف إمتى يوقف”.
تصريحات نارية من جوندوجان، والجدل لسه مستمر حوالين تصرفات روديجر!
