بوكا جونيورز يعلن إقالة جاجو بعد خسارة الكلاسيكو من ريفر بليت
بوكا جونيورز قرر يمشي مدربه فرناندو جاجو بعد الخساره من ريفر بليت 2-1 في الكلاسيكو اللي اتلعب يوم التلات ف الدوري الأرجنتيني.
الإدارة أعلنت القرار في بيان رسمي بعد الماتش على طول، وقالت إن جاجو وصل لنهاية الطريق وإنهم شاكريين ليه ولطاقمه على كل اللي قدموه من احترافيه وتمنّوله التوفيق ف اللي جاي.
الخسارة دي كانت القشة اللي قصمت ظهر البعير، خصوصًا وإن الفريق ماكانش ثابت الأداء من فتره، وجمهور بوكا كان مستني نتيجه كبيره ضد الغريم التقليدي.
الإقالة دي جت قبل وقت حساس جدًا، عشان بوكا جونيورز هيلعب في كاس العالم للأندية اللي هتكون في أمريكا الصيف الجاي، وده بيخليهم محتاجين مدرب جديد بسرعه علشان يجهز الفريق للمنافسه.
بوكا هيكون ف مجموعة قويه فيها بايرن ميونخ وبنفيكا وأوكلاند سيتي، وده معناه إن أي غلطة ممكن تكلف الفريق كتير.
دلوقتي كل العيون على إدارة النادي مين هييجي مكان جاجو وهل هيلحق يظبط الفريق قبل البطوله
