أنغام ترفع شعار كامل العدد في حفلها بدار الأوبرا المصريه
اعلنت شركه تذكرتي، منظمه حفل النجمه أنغام، إن التذاكر كلها خلصت بعد ساعات قليله من طرحها، وده ضمن فعاليات مشروع ليالي مصر الهادف لتنشيط الحركه الفنيه والثقافيه الحفل هيتعمل يوم الجمعه 16 مايو 2025، على مسرح النافوره بدار الأوبرا المصريه.
الحفل هيكون بمشاركه أوركسترا ضخم بقياده المايسترو هاني فرحات، واللي دايمًا بيتعاون مع أنغام ف أغلب حفلاتها الكبيره من أول ما التذاكر نزلت على موقع تذكرتي، حصل تزاحم كبير من الجمهور، وده خلى التذاكر تخلص بسرعه.
الأسعار كانت بتبدأ من 3000 جنيه لفئة برونز لحد ما وصلت 8500 جنيه لفئة رويال علشان تناسب كل الفئات ومن ضمن الشروط اللي أعلنتها الشركه، إن مفيش استرجاع أو استبدال للتذاكر، وكمان لازم اللي داخل يكون فوق 12 سنه ومعاه تذكره.
أنغام هتغني باقه من أجمل أغانيها، وكمان شوية من ألبومها الجديد تيجي نسيب اللي كسر الدنيا من وقت ما نزل الحفل ده يعتبر العوده القويه لأنغام على مسرح الأوبرا، بعد حفلتين في المتحف الكبير السنه اللي فاتت، واللي كانو كامل العدد بردو.
