منى زكي لسه محتاره ترجع لدراما رمضان ولا لا في ٢٠٢٦
في الوقت اللي الجمهور مستني يعرف مين هيشارك في دراما رمضان 2026، اسم منى زكي اتصدر التريند، خصوصًا بعد غيابها سنتين عن السباق الرمضاني من بعد مسلسلها الناجح تحت الوصاية في رمضان 2023.
لكن النجمه منى زكي خرجت بتصريحات جديده وضحت فيها إنها لسه ماخدتش قرار نهائي بخصوص الرجوع في رمضان الجاي، وقالت إنها مش لاقيه لحد دلوقتي الورق المناسب اللي يشجعها تدخل تجربه رمضانيه تاني.
وأضافت منى إن مش أي حاجه بتتحمس ليها، هي بتدور على عمل فني محترم له قيمه وقصه توصل للناس وتضيف لرصيدها، مش بس علشان تبقي موجوده وخلاص وكمان أكدت إن القرار مش سهل وبيتعتمد على السيناريو والإنتاج والإخراج وفريق التمثيل ككل.
منى زكي غابت عن رمضان 2024 و2025، رغم نجاحها الكبير في تحت الوصاية اللي ناقش قضايا مهمه عن الستات ومجتمع الصيادين المسلسل كان 15 حلقه، وشاركها البطوله دياب ومها نصار وغيرهم.
دلوقتي هي بتصور فيلم جديد اسمه الست عن قصة حياة أم كلثوم، وهيكون جاهز للعرض في ديسمبر الجاي.
