نانسي عجرم بتحيي حفل كبير بالمتحف وبتلمح لانفصالها بتغريده
نانسي عجرم النجمه اللبنانيه الكبيره، بتستعد تطلع على جمهورها المصري والعربي بحفل ضخم يوم الجمعه 2 مايو في المتحف المصري الكبير، ضمن فعاليات موسم الربيع، واللي متوقع يكون من أجمل الليالي، خصوصًا إنه ف مكان أثري وتاريخي عظيم، بيجمع بين الفن والحضاره.
نانسي هتغني أحلى أغانيها، من القديم للجديد، وأكيد مش هتعدي ليلة من غير آه ونص وإنت إيه وتيجي نعيش اللي عاملين ضجه كبيره اليومين دول، خصوصا بعد ما تصدرت قوائم الأغاني في مصر والوطن العربي، واحتفلت نانسي بده على إنستجرام.
بس اللي زود التفاعل أكتر، كانت تغريدة غامضه على حسابها في منصة X، اللي ناس كتير فسروا إنها بتلمح لانفصالها عن جوزها فادي الهاشم، طبيب الأسنان المعروف القصه بدأت بينهم من عيادته، واتحولت من زياره لعلاقه حب استمرت سنين واتجوزوا وخلفوا 3 أولاد.
دلوقتي التوقعات بتقول في مشكله بينهم، والناس مستنيه نانسي تأكد أو تنفي بس لحد دلوقتي، مفيش حاجه واضحه.
