إياد نصار يهاجم نظرة الفن للست ويشيد بنجمات النضج
تصدر اسم الفنان إياد نصار التريند على جوجل والسوشيال ميديا، بعد ظهوره ضيف مع الإعلامية لميس الحديدي ف برنامج كلمه أخيره على قناة ON، وده بسبب تصريحاته الجريئه اللي خدت ردود فعل كبيره.
إياد قال إن في فجوه كبيره بين معاملة الراجل والست في الفن، خصوصًا لما يكبروا في السن، وأكد إن الراجل بيتعتبر نضج، وبيفضلوا يدوّه بطولات وهو ف الخمسينات والستينات من عمره، لكن الست للأسف بيتم تهميشها وكأنها خلاص فقدت قيمتها لمجرد إن عمرها كبر، وكأن الشيخوخه خطيئه فنيه عند الست بس.
وأضاف كمان إن في ضغط رهيب على الفنانات عشان يفضلوا شباب في الشكل، وده بيخلي كتير منهم يضطروا يعملوا عمليات تجميل مش عايزينها، وده ساعات بيضيع ملامحهم، وكل ده عشان الجمهور بقى متناقض، لو شاف تجاعيد ينتقد، ولو شاف تجميل يسخر.
وفي كلامه أشاد بنجمات زي منى زكي وهند صبري وقال إنهم قدوه للفنانات الناضجه، وكمان عبر عن سعادته بالشغل مع منة شلبي وريهام عبدالغفور، وإنهم موهوبات وعندهم وعي فني حقيقي.
