محمود حميدة في مهرجان الإسكندرية الذكاء الاصطناعي مش عدونا
شارك الفنان محمود حميدة في ندوة بعنوان رقمنة التراث ضمن فعاليات مهرجان الإسكندرية للفيلم القصير، وده بعد ما أثار اهتمام الجمهور بتصريحاته عن الذكاء الاصطناعي حميدة أكد إنه مش لازم نخاف من التطور التكنولوجي، خصوصًا مع التقدم الكبير في استخدام الذكاء الاصطناعي في المجالات الفنية.
قال حميدة أنا بشوف الذكاء الاصطناعي كأداة معرفية مش تهديد وأوضح إنه مش مفروض نرفض التقدم التكنولوجي، زي ما حصل مع المظاهرات في أمريكا لما الكتاب والممثلين احتجوا على الذكاء الاصطناعي خوفًا على وظائفهم وأكد إن التطور موجود وعلينا إننا نتعامل معاه بدل ما نرفضه.
وأضاف كمانفي لقاء مع المنتج هشام سليمان، شفت سيناريو اتكتب باستخدام ChatGPT، وده بيفتح فرص كبيرة قدامنا وشرح إن شركتهم بتسعى لحفظ التراث الفني باستخدام أحدث التقنيات لضمان استمراريته في العصر الرقمي.
مبادرة الحفاظ على التراث الفني بتشمل فنانين كبار زي إلهام شاهين وبشرى وشيري عادل، وبتستخدم تقنيات حديثة لحفظ الذكريات الفنية باستخدام الذكاء الاصطناعي.
فعاليات المهرجان مستمرة لحد 2 مايو، وتشمل عروض وأفلام ورش عمل تهدف لدعم المواهب السينمائية الجديدة.
