الهلال يعرض مبلغ خرافي على أنشيلوتي بعد خسارة الأهلي
في تطور جديد ومفاجئ، كشفت تقارير إسبانيه إن نادي الهلال السعودي دخل بقوه في مفاوضات مع المدرب الإيطالي الكبير كارلو أنشيلوتي، مدرب ريال مدريد الحالي، عشان يتولى تدريب الفريق في الفتره الجايه، خصوصًا بعد الخروج من نصف نهائي نخبة آسيا قدام الأهلي.
صحيفة “ريليفو” الإسبانيه قالت إن الهلال قدم عرض خرافي للمدرب الإيطالي يوصل لـ50 مليون يورو في الموسم الواحد، وده رقم كبير جدًا يوضح إن الإداره ناويه على مشروع قوي قبل مونديال الأنديه.
الهلال حالياً في فتره حساسه، وبيبحث عن مدرب خبره يقدر يرجع الفريق للمنافسه على البطولات، خصوصًا بعد المشاكل اللي حصلت بين خيسوس وبعض اللاعبين زي البليهي وسافيتش وكايو، اللي كانت واضحه في مباراه الأهلي.
أنشيلوتي اسمه كان مرتبط بتدريب منتخب البرازيل، لكن حسب التقارير، الراجل رفض العرض، وده ممكن يفتح الباب له للقدوم للسعوديه.
الهلال دلوقتي لازم يتحرك بسرعه ويحسم ملف المدرب، عشان يلحق يجهز الفريق بشكل قوي قبل المشاركه في كأس العالم للأنديه، اللي الجماهير بتحلم بيها من زمان.
