نجم كوجاليسبور التركي قريب من دوري روشن في صفقه مفاجئه
واضح إن دوري روشن السعودي ناوي يولع الصيف الجاي، والتقارير التركيه بتأكد إن في صفقه قويه جداً على الأبواب.
الصحفي المعروف ناظم توركناس، نشر على حسابه في “إكس” إن الجناح التركي أوغولكان تشاغلايان (29 سنه) خلاص قرب يوقع مع نادي سعودي.
أوغولكان كان نجم فريق كوجاليسبور الموسم ده، وساهم بشكل كبير في صعودهم للدوري التركي الممتاز، وده خلا الأنظار تتجه ليه من كذا نادي، بس الظاهر إن نادي سعودي حسمها.
التقارير بتقول إن اللاعب اتفق مع النادي السعودي، وكمان النادي اتفق مع إدارة كوجاليسبور، يعني مافضلش غير شوية إجراءات بسيطه والإعلان الرسمي هيكون خلال أيام.
اللاعب معروف بسرعته ومهاراته العاليه وقدرته على تسجيل وصناعة الأهداف، وده بالظبط اللي بتدور عليه الأندية في روشن حاليًا، خصوصًا مع الطموحات الكبيره للموسم الجاي.
الصفقه دي ممكن تكون واحده من الصفقات اللي هتفرق مع الفريق اللي هينضم له، خصوصاً لو استغل إمكانياته بالطريقه الصح.
